Tramp zajaviŭ, što Pucin choča zaviaršyć vajnu va Ukrainie

Prezident ZŠA Donald Tramp čarhovy raz zajaviŭ, što prezident Rasii Uładzimir Pucin, maŭlaŭ, choča zakončyć vajnu suprać Ukrainy.

Donald Tramp. Fota: Win McNamee/Getty Images

Pavodle słoŭ Trampa, Pucin «adčuvaje cisk» ź jaho boku, a mahčymaść dasiahnieńnia mirnaj damovy pamiž Rasijaj i Ukrainaj «značna bližejšaja, čym dumajuć ludzi».

«Jon choča pakłaści hetamu kaniec, i Ukraina taksama choča pakłaści hetamu kaniec, i my viadziom pieramovy, pahladzim, ci zmožam spynić heta. Heta žachliva», — skazaŭ Tramp, kamientujučy pytańnie žurnalistaŭ pra niadaŭni ŭdar pa Kijevie.

Prezident ZŠA taksama adznačyŭ, što, na jahonuju dumku, i Pucin, i prezident Ukrainy Uładzimir Zialenski zacikaŭlenyja ŭ spynieńni vajny. Tramp dadaŭ, što abmierkavańnie situacyi moža praciahnucca na samicie NATA ŭ Ankary, dzie, pavodle jaho słoŭ, budzie padniata tema zakančeńnia kanfliktu.

Pavodle paviedamleńniaŭ amierykanskich ŚMI, Tramp płanuje sustrecca ź Zialenskim na samicie, paśla čaho moža pravieści razmovu z Pucinym.

Kamientary da artykuła