Ksiuša z SMA, za losam jakoj sačyła ŭsia kraina, atrymała vyratavalny ŭkoł Zolgensma

Dva miesiacy tamu miedyki byli nastrojeny skieptyčna. Kansilium vyrašyŭ, što akno mahčymaściaŭ dla Ksiušy stračana. Ale ž vałanciory nie zdalisia i damahlisia vyratavalnaha ŭkołu.

Ksiuša Maisiejenka

Nahadajem: zbor dla Ksiušy Maisiejenka z SMA, jakuju rodnaja maci pakinuła ŭ dziciačym domie, biełarusy zakryli ŭ rekordny termin. Bolš za 1,8 miljona dalaraŭ sabrali ŭsiaho za 1,5 miesiaca.

Ale ž pakul źbirali hrošy, Ksiuša zachvareła i trapiła ŭ balnicu ź pnieŭmanijaj — praz heta jaje stan značna pahoršyŭsia, dziaŭčynka nie mahła samastojna siadzieć i navat trymać hałavu.

Tamu respublikanski kansilium vyrašyŭ, što joj nielha ŭvodzić tyja samyja darahija leki ŭ śviecie — Zolgensma. Vałanciory ž, jakija apiekavali dziaŭčynku, vyrašyli nie zdavacca.

Ksiuša atrymlivała patahienietyčnuju terapiju preparatam «Rysdypłam». Dziakujučy jamu stan značna palepšyŭsia. Vałanciory damahlisia praviadzieńnia druhoha kansiliumu — tam užo miedyki dali dazvoł na doŭhačakany ŭkoł.

Ksiuša ŭ balnicy

Na hetym tydni Ksiušu razam z maci płanava špitalizavali ŭ RNPC. A siońnia stała viadoma, što dziaŭčynka atrymała ŭkoł Zolgensma.

Kamientary da artykuła