Zialenski: Retranślatary na miažy Biełarusi prypynili pracu
Prezident Ukrainy Uładzimir Zialenski zajaviŭ, što retranślatary, jakija dapamahali rasijskim dronam atakavać Ukrainu, pierastali pracavać z 22 červienia. Pra heta jon skazaŭ u kamientaryi žurnalistam, pieradaje vydańnie Hromadske.
Alaksandr Łukašenka. Fota Evgenia Novozhenina Pool Photo via AP
Pavodle słoŭ Zialenskaha, hałoŭnakamandujučy USU Alaksandr Syrski i raźviedka dałažyli jamu, što retranślatary nie pracujuć. Zrešty, pakul nieviadoma, demantavali ich ci nie.
Raniej Uładzimir Zialenski havaryŭ, što na miažy Ukrainy ź Biełaruśsiu, na terytoryi dźviuch biełaruskich abłaściej, raźmieščanyja retranślatary, jakija dapamahajuć Rasii karektavać ahoń pa ŭkrainskim cyvilnym nasielnictvie.
Tady prezident Ukrainy zajaŭlaŭ, što Alaksandru Łukašenku «tydnia budzie dastatkova», kab vyklučyć takuju techniku, inakš Ukraina heta zrobić sama.
Čytajcie taksama:
Jakija retranślatary na miažy maje na ŭvazie Ukraina?
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?