Zakryvajecca adna ź minskich kaviarniaŭ sietki «Zierno»
Adna z kaviarniaŭ sietki «Zierno» ŭ Minsku spyniaje pracu. Havorka idzie pra ŭstanovu na vulicy Internacyjanalnaj. Pra zakryćcio paviedamiła kamanda prajekta ŭ sacyjalnych sietkach. Apošnimi dniami jaje pracy stanuć 23 i 24 červienia.
Fota ilustracyjnaje
U paviedamleńni supracoŭniki adznačyli, što im samim ciažka pavieryć u zaviaršeńnie hetaha etapu i padziakavali ŭsim haściam za padtrymku, sustrečy dy naviedvańni na praciahu ŭsiaho času isnavańnia kaviarni.
Skrynšot sa storys u instahramie
Pry hetym sama sietka nie źnikaje z horada. Paviedamlajecca, što kaviarni «Zierno» na praśpiekcie Niezaležnaści i vulicy Kazłova praciahnuć pracu ŭ zvyčajnym režymie.