Ci abaviazanyja kiroŭcy čakać pasažyraŭ, jakija biahuć za hramadskim transpartam? «Minsktrans» patłumačyŭ
Hienieralny dyrektar «Minsktransa» Kanstancin Hałałobaŭ u efiry ANT rastłumačyŭ, čamu kiroŭcy hramadskaha transpartu nie zaŭsiody čakajuć ludziej, jakija nie znachodziacca na prypynku, a biahuć da jaho.
Zdymak ilustracyjny. Fota Dzianisa Blišča
Pa słovach Hałałobava, hałoŭnyja pryčyny hetaha — biaśpieka ruchu i nieabchodnaść trymacca raskładu. Jon adznačyŭ, što kiroŭca nie zaŭsiody moža zaŭvažyć čałavieka, jaki śpiašajecca da transpartu, praź lusterka zadniaha vidu.
Taksama kiraŭnik «Minsktransa» nahadaŭ, što pavodle pravił pasažyr pavinien čakać transpartny srodak niepasredna na prypynku.
«Jak by hruba heta ni hučała, ale čałaviek, jaki biažyć za aŭtobusam ci tralejbusam, jašče nie pasažyr. Jon piešachod», — adznačyŭ Kanstancin Hałałobaŭ.
Pavodle jaho, kiroŭcy abaviazany najpierš kłapacicca pra biaśpieku pieravozak i zachavańnie hrafika ruchu.
Čytajcie taksama:
Minski transpart piarojdzie na apłatu kartkaj da kanca hoda
Čamu minskija aŭtobusy žoŭtyja, a tralejbusy — sałatavyja? Akazałasia, u hetym jość łohika
Tałončykami ŭ minskim hramadskim transparcie karystajecca 13,5% pasažyraŭ
«Pavisła na hetych žalaziakach». Minčancy turnikietam złamała nahu ŭ mietro