Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama
Što viadoma na hety momant.
Biełaruski aŭtobus paśla traplańnia drona. Fota News.by
Alaksandr Łukašenka dahetul nie adreahavaŭ na traplańnie drona ŭ biełaruski aŭtobus u Branskaj vobłaści. Heta vielmi dziŭna, bo padzieju abmiarkoŭvaje ŭsia kraina.
Užo nie pieršy raz adznačałasia, što ŭ sieradu Alaksandr Łukašenka nikoli nie źjaŭlajecca na publicy. Ale kab nie adhuknucca navat na trahiedyju z aŭtobusam — heta źviartaje ŭvahu.
U toj ža čas usia dziaržaŭnaja prapahanda, ad centralnych kanałaŭ da apošniaj rajonki, zapoŭnienaja abvinavačvańniami na adras ukrainskaha vojska i pieradrukami z rasijskaj prapahandy.
Nivodzin dziaržaŭny resurs nie źviarnuŭ uvahu na kamientar pradstaŭnika Hienštaba USU, jaki nazvaŭ hetuju ataku «pravakacyjaj Kramla» i padkreśliŭ, što «ŭ nazvany pieryjad Siły abarony Ukrainy nie vykarystoŭvali bieśpiłotnyja latalnyja aparaty pa celach na terytoryi Branskaj vobłaści»
Čytajcie taksama:
Ukrainski ambudsmien paśla trahiedyi ŭ Branskaj vobłaści źviazaŭsia ź Biełaruśsiu
Hubiernatar Branskaj vobłaści apublikavaŭ fotazdymki biełaruskich dziaciej z balnicy