Hubiernatar Branskaj vobłaści apublikavaŭ fotazdymki biełaruskich dziaciej z balnicy

«Naviedaŭ u balnicy paciarpiełych ad ataki na pasažyrski aŭtobus. Viadoma, dzieci vielmi napałochanyja, takoje pieražyć…», — napisaŭ Jahor Kavalčuk u svaim telehram-kanale.

«Pryjechaŭ baćka adnaho z chłopcaŭ, vielmi pieražyvaje, pasprabavaŭ jaho supakoić. Z chłopčykam, jaki zaraz u reanimacyi, pobač znachodzicca maci, jana taksama jechała ŭ aŭtobusie. Prahnozy miedykaŭ spryjalnyja, žyćciu dziaciej ničoha nie pahražaje.

Najbližejšym časam prybudzie hrupa najlepšych śpiecyjalistaŭ Centra miedycyny katastrof, jakija śpiecyjalizujucca mienavita na takich vidach traŭmaŭ — baratraŭmy, askiepkavyja ranieńni. Kali budzie nieabchodnaść, dziaciej pieraviaduć u kliniki Maskvy, ale branskija miedyki robiać usio mahčymaje.

Biełaruskija śpiecyjalisty ŭžo prybyli ŭ Pačep, dzie znachodziacca astatnija pasažyry aŭtobusa, jakija nie paciarpieli, 36 čałaviek. U punkcie časovaha raźmiaščeńnia, jaki byŭ apieratyŭna razhornuty, dla ich stvorany ŭsie ŭmovy, pracujuć psichołahi», — napisaŭ jon.

Kavalčuk kaža, što heta byŭ całkam śviadomy ŭdar pa cyvilnym transparcie na ažyŭlenaj trasie. Na hetym ža ŭčastku darohi siońnia byli i inšyja incydenty z transpartnymi srodkami, častka trasy była pieraciataja.

Kamientary da artykuła