Čałaviek, jakoha abvinavačvali ŭ zabojstvach, zajmaŭsia ź dziećmi ŭ letniku ŭ Viciebskaj vobłaści

Dźmitryj Paŭličenka, viadomy jak kamandzir łukašenkaŭskich «eskadronaŭ śmierci» jašče 1990‑ch hadoŭ, pravodziŭ «praktykum» sa zbrojaj u dziciačym letniku «Baroŭka» ŭ Lepielskim rajonie, zaŭvažyła «Viciebskaja viasna».

Były stvaralnik i pieršy kamandzir Śpiecyjalnaha atrada chutkaha reahavańnia, viadomy ŭdziełam u stvareńni i kiravańni «eskadronami śmierci», navučaŭ dziaciej asnovam rukapašnaha boju i karystańnia zbrojaj, udzielničaŭ u zaniatkach pa miedyčnaj i ahniavoj padrychtoŭcy. Mierapryjemstva nazvali «sieminaram-praktykumam». 

Kiraŭnika tajemnaha farmavańnia, jakoje ŭ 1990‑ch hadach zabivała apanientaŭ Alaksandra Łukašenki, užo tradycyjna zaprasili vystupić u dziciačym letniku razam z deputatam Pałaty pradstaŭnikoŭ Viktaram Azaronkam, dziadźkam viadomaha prapahandysta Ryhora Azaronka. 

Aprača trenirovak, jakija pravodzili bajcy śpiecnaza, dzieciam šmat raskazvali pra patryjatyzm i jahonuju asnoŭnuju, pavodle deputata, składovuju častku — nieabchodnaść avałodvańnia vajskovymi navykami, kab vystupić na abaronu svajoj dziaržavy.

Kamientary da artykuła