Homielskaja fiederacyja futbołu pra vypadak z aŭtobusam u Branskaj vobłaści: Zvyčajna ŭ ich byŭ inšy maršrut
Jak raskazali Onliner u Homielskaj abłasnoj fiederacyi futboła, u aŭtobusie znachodzilisia vychavancy niekalkich futbolnych kłubaŭ z Homiela i Rečycy.
Jany štohod jeździli na azdaraŭleńnie ŭ Hielendžyk, dzie taksama treniravalisia i ŭdzielničali ŭ sparynhach ź miascovymi kamandami.
— Pieršaja hrupa vychavancaŭ užo viarnułasia, jany byli na adpačynku z 1 červienia. Ciapier pajechała druhaja hrupa. Asnoŭnaje jadro było z Rečycy, SDIUŠAR №2, heta ich aŭtobus. Taksama jechali vychavancy SDIUŠAR PPO AAT «Homielškło». Nie viedaju, čamu ŭ hety raz jany pajechali toj darohaj (praz Bransk), zvyčajna ŭ ich byŭ inšy maršrut, — raskazaŭ surazmoŭca.
Ź jaho słoŭ, vychavancy jeździać na adpačynak u supravadžeńni trenieraŭ. Na hrupu z 38 čałaviek — pa dva supravadžajučyja.
U hety raz siarod ich była žonka treniera Alaksieja Haroški.
Mienavita jana, pa infarmacyi surazmoŭcy, zahinuła.
Čytajcie taksama:
Adno dzicia, što trapiła pad abstreł u Branskaj vobłaści, znachodzicca ŭ ciažkim stanie
Žonka treniera Rečyckaj DIUSŠ-2 zahinuła pry atacy dronam aŭtobusa ź dziaćmi ŭ Branskaj vobłaści