Гомельская федэрацыя футболу пра выпадак з аўтобусам у Бранскай вобласці: Звычайна ў іх быў іншы маршрут
Як расказалі Onliner у Гомельскай абласной федэрацыі футбола, у аўтобусе знаходзіліся выхаванцы некалькіх футбольных клубаў з Гомеля і Рэчыцы.
Яны штогод ездзілі на аздараўленне ў Геленджык, дзе таксама трэніраваліся і ўдзельнічалі ў спарынгах з мясцовымі камандамі.
— Першая група выхаванцаў ужо вярнулася, яны былі на адпачынку з 1 чэрвеня. Цяпер паехала другая група. Асноўнае ядро было з Рэчыцы, СДЮШАР №2, гэта іх аўтобус. Таксама ехалі выхаванцы СДЮШАР ППО ААТ «Гомельшкло». Не ведаю, чаму ў гэты раз яны паехалі той дарогай (праз Бранск), звычайна ў іх быў іншы маршрут, — расказаў суразмоўца.
З яго слоў, выхаванцы ездзяць на адпачынак у суправаджэнні трэнераў. На групу з 38 чалавек — па два суправаджаючыя.
У гэты раз сярод іх была жонка трэнера Аляксея Гарошкі.
Менавіта яна, па інфармацыі суразмоўцы, загінула.
Чытайце таксама:
Адно дзіця, што трапіла пад абстрэл у Бранскай вобласці, знаходзіцца ў цяжкім стане
Жонка трэнера Рэчыцкай ДЮСШ-2 загінула пры атацы дронам аўтобуса з дзяцьмі ў Бранскай вобласці