Pad Połackam mužčyna čatyry dni tamu pajšoŭ na padvodnuju rybałku i źnik
U Połackim rajonie čaćviorty dzień praciahvajucca pošuki mužčyny, jaki źnik padčas padvodnaj rybałki. Pra heta paviedamili ŭ Tavarystvie ratavańnia na vodach.
Mužčyna 1978 hoda naradžeńnia 11 červienia adpraviŭsia na padvodnaje palavańnie na voziera Viadzieta i paśla hetaha nie viarnuŭsia. Z taho času vyratavalniki Połackaj ratavalnaj stancyi ASVOD pravodziać pošukavyja raboty.
Pošuki ŭskładniajucca ciažkadastupnaj miascovaściu. Voziera Viadzieta raźmieščana siarod lasoŭ i bałot, a da miažy z Pskoŭskaj vobłaściu Rasii ad jaho kala 450 mietraŭ. Bierahi vadajoma nizkija, miescami zabałočanyja i husta zarosłyja lesam.
Pošukavaja apieracyja praciahvajecca, infarmacyi pra miescaznachodžańnie mužčyny pakul niama.
Čytajcie taksama:
U Hłuskim rajonie znajšli cieła mužčyny, jaki źnik u lesie jašče letaś
Ci praŭda, što źnikłych u apošnija hady stała bolš?
U Lepielskim rajonie ŭziali pad vartu brakańjera-recydyvista