Пад Полацкам мужчына чатыры дні таму пайшоў на падводную рыбалку і знік
У Полацкім раёне чацвёрты дзень працягваюцца пошукі мужчыны, які знік падчас падводнай рыбалкі. Пра гэта паведамілі ў Таварыстве ратавання на водах.
Мужчына 1978 года нараджэння 11 чэрвеня адправіўся на падводнае паляванне на возера Вядзета і пасля гэтага не вярнуўся. З таго часу выратавальнікі Полацкай ратавальнай станцыі АСВОД праводзяць пошукавыя работы.
Пошукі ўскладняюцца цяжкадаступнай мясцовасцю. Возера Вядзета размешчана сярод лясоў і балот, а да мяжы з Пскоўскай вобласцю Расіі ад яго каля 450 метраў. Берагі вадаёма нізкія, месцамі забалочаныя і густа зарослыя лесам.
Пошукавая аперацыя працягваецца, інфармацыі пра месцазнаходжанне мужчыны пакуль няма.
Чытайце таксама:
У Глускім раёне знайшлі цела мужчыны, які знік у лесе яшчэ летась