Minski junak pradavaŭ virtualny nož i realna straciŭ bolš za 450 dalaraŭ

U Partyzanskaje RUUS Minska źviarnuŭsia 18‑hadovy chłopiec, jaki straciŭ bolš za 450 dalaraŭ pry prodažy virtualnaha pradmieta z anłajn-hulni CS2, paviedamlaje HUUS Minskaha harvykankama.

Skrynšot ź videa

Junak vystaviŭ na prodaž virtualny pradmiet u tematyčnaj hrupie ŭ miesiendžary, a nie na aficyjnaj handlovaj placoŭcy. Na jaho vyjšaŭ nibyta pakupnik i prapanavaŭ pravieści ździełku praz «haranta» dla biaśpieki.

Paźniej u pierapisku byŭ dadadzieny falšyvy pasiarednik, jaki vyhladaŭ jak sapraŭdny ŭdzielnik ździełki. Paciarpieły pavieryŭ schiemie i pieradaŭ virtualny pradmiet na paznačanuju płatformu. Paśla hetaha jamu pakazali padroblenaje paćviardžeńnie pieravodu hrošaj «harantu».

Jak tolki pradmiet byŭ pieradadzieny, chłopca vydalili z čata i zabłakavali. Hrošy jon tak i nie atrymaŭ.

U milicyi nahadvajuć, što takija schiemy — typovy vid machlarstva. Kab nie stać achviaraj, ździełki varta pravodzić tolki praz aficyjnyja i pravieranyja servisy.

Kamientary da artykuła