«Uvieś zavod raźbili. 23 pryloty było». USU nanieśli ŭdar pa važnym zavodzie ŭ Armiansku, heta spynić vytvorčaść tytanu

Kamandujučy Siłami bieśpiłotnych sistem Ukrainy Robiert «Madziar» Broŭdzi paviedamiŭ, što ŭ noč na 13 červienia ŭkrainskija bieśpiłotniki nanieśli ŭdar pa chimičnym zavodzie «Krymski tytan» u Armiansku na poŭnačy Kryma.

Skrynšot ź videa

Pa słovach Robierta Broŭdzi, vyniki ataki byli paćvierdžanyja srodkami abjektyŭnaha kantrolu: na pradpryjemstvie ŭźnik pažar, a jaho praca była spyniena. U paćviardžeńnie svaich zajaŭ Broŭdzi apublikavaŭ videazapisy z kamier bieśpiłotnikaŭ.

«Uvieś zavod raźbili. 23 pryloty było. Usie cechi paciarpieli, usio haryć, ludziej evakujavali dadomu!» — cytuje «Madziar» paviedamleńnie ź miascovaha pablika.

Pra nalot na zavod raniej paviedamlali ŭkrainskija infarmacyjnyja resursy. U svaju čarhu, kiraŭnik rasijskaj akupacyjnaj administracyi Armianska Vasil Cieliženka zajaviŭ, što na pradpryjemstvie adbyłasia avaryjnaja situacyja.

Pavodle infarmacyi Robierta Broŭdzi, zavod «Krymski tytan» pracuje na patreby rasijskaha vajskova-pramysłovaha kompleksu. Pavodle adkrytych krynic, pradpryjemstva vypuskaje ŭ asnoŭnym dyjaksid tytanu, jaki vykarystoŭvajecca ŭ vytvorčaści farbaŭ i łakaŭ, a taksama siernuju kisłatu i žalezny kuparvas.

Kamientary da artykuła