U Stolinskim rajonie pradali siadzibu rodu Alešaŭ. Pieršasnaja cana ŭzrasła ŭ 10 razoŭ
Staradaŭniuju siadzibu ŭ vioscy Novabieražnoje Stolinskaha rajona puścili z małatka na placoŭcy «BUTB-Majomaść». U chodzie tarhoŭ zakinuty asabniak kanca XIX stahodździa padaražeŭ amal u 10 razoŭ, piša Office Life.
Fota: «BUTB-Majomaść»
Za łot zmahalisia čatyry pretendenty — dva čałavieki i dźvie kampanii. Tarhi doŭžylisia mienš za hadzinu, ale ŭdzielniki paśpieli zrabić 90 stavak. U vyniku ceńnik uźlacieŭ sa startavych 12,9 tysiačy da 128,2 tysiačy rubloŭ (kala $44,7 tysiačy pa kursie). Cahlany dvuchpaviarchovy dom na 426 «kvadrataŭ» zabraŭ žychar viadomaha na ŭsiu Biełaruś ahraharadka Alšany z taho ž Stolinskaha rajona.
Razam z asabniakom i staradaŭniaj ladoŭniaj pakupnik atrymaŭ 37 sotak ziamli ŭ arendu na 50 hadoŭ. Aficyjnaha statusu historyka-kulturnaj kaštoŭnaści ŭ majontka niama. Heta značyć, što novy ŭładalnik moža adkryć tut hatel, restaran, kramu ci prosta zrabić žyły dom.
Jość tolki adna ŭmova: pry rekanstrukcyi nielha źmianiać architekturnaje abličča budynka. Abnavić siadzibu treba za try hady.
Čytajcie taksama:
U Obali zakansiervujuć ruiny pałaca Hrabnickich
Były pałac Radziviłaŭ u Dziatłavie za 90 rubloŭ nabyła rasijanka
U Minsku pradajuć asabniak, padobny da šlachieckaj siadziby XIX stahodździa
Terytoryju niepradadzienaj histaryčnaj siadziby ŭ Sieńnienskim rajonie pieratvaryli ŭ śmietnik