U Ščučynie ciapier buduć rabić macarełu
U Ščučynie na miascovym filijale pradpryjemstva «Małočny śviet» adkryli novy cech pa vytvorčaści syru macareła, paviedamlaje BiełTA.
Fota: BiełTA
Novy prajekt realizoŭvali z 2024 pa 2026 hod. Dla vytvorčaści zakupili sučasnaje italjanskaje abstalavańnie, jakoje raźmiaścili na rekanstrujavanych płoščach staroha salilnaha adździaleńnia. Dziakujučy hetamu pradpryjemstva zmahło pavialičyć pierapracoŭku małaka na dadatkovyja 100 ton u sutki, pašyryć asartymient pradukcyi i stvaryć 18 novych pracoŭnych miescaŭ.
Ciapier na zavodzie buduć vypuskać macarełu ŭ šarykach i śpiecyjalny syr dla picy ŭ błokach. Płanujecca, što kala 70% vytvorčaści składzie «macareła-pica», a astatnija 30% — kłasičnaja macareła.
Fota: BiełTA
Ščučynski filijał «Małočnaha śvietu» siońnia moža pierapracoŭvać da 520 ton małaka za sutki. Pradpryjemstva vypuskaje syry, masła, celnamałočnuju pradukcyju i suchija małočnyja pradukty. Tut pracujuć kala 570 čałaviek.
Dalej na pradpryjemstvie płanujuć prajekt budaŭnictva novaha cecha pa pierapracoŭcy syrovatki i madernizacyi ačyščalnych zbudavańniaŭ.
Čytajcie taksama:
U Minsku źjaviłasia pica ź pielmieniami
Błohierka paraiła, jak nabyvać macarełu tańniej. Łajfchak acanili nie ŭsie
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach