Śviata-Jelisaviecinskamu manastyru zabaranili pravodzić na 9 maja vystavu zbroi. Ale zatoje buduć vučyć rubańniu šaškaj

Minski manastyr kožny hod nasyčana adznačaje Dzień Pieramohi i časta traplaje ŭ skandały — u svaich uračystaściach jon nie raz byŭ zaŭvažany ŭ aktyŭnaj padtrymcy rasijskaj ahresii. Jak akazałasia, takoj praktycy tam vyrašyli nadać jašče bolš aficyjny charaktar, piša «Chryścijanskaja vizija».

Frahmient prynahodnaha Chresnaha chodu adnaho ź minułych hadoŭ. Skrynšot ź videa

Z vosieni minułaha hoda na bazie mužčynskaha padvorja ŭ vioscy Łysaja Hara budujuć muziejny kompleks «Ajčyna». Instagram hetaha kompleksu zaviali niadaŭna — tam raskazvajuć pra chod budaŭnictva i płany pa jaho vykarystańni.

Prahrama na 9 maja hetaha hoda ŭžo apublikavanaja. U joj pa-raniejšamu jość elemienty prarasijskaha cyrymanijału: akcyja «Bieśśmiarotny połk», militaryzavanyja pradstaŭleńni — navučańnie rubańniu šaškaj, minnaje pole, kidańnie hranat, kazackija zabavy i h. d.

Ale, jak pryznałasia adna z arhanizatarak mierapryjemstva, manachinia Marfa, u hetym hodzie «sałdatam vyjezd na śviata dazvolili tolki biez zbroi — z uzorami radyjostancyj i adzieńnia».

Kamientary da artykuła