Pucin patelefanavaŭ Trampu i prapanavaŭ abjavić pieramirje «na pieryjad Dnia Pieramohi»
Prezidenty ZŠA i Rasii Donald Tramp i Uładzimir Pucin 29 krasavika praviali telefonnuju razmovu, paviedamiŭ pamočnik Pucina Juryj Ušakoŭ. Jana praciahvałasia bolš za paŭtary hadziny.
Uładzimir Pucin i Donald Tramp u Ankorydžy na Alascy 15 žniŭnia 2025 hoda. Fota: AP Photo / Julia Demaree Nikhinson
Pavodle słoŭ Ušakova, Pucin padčas hetaj razmovy zajaviŭ ab hatoŭnaści abjavić pieramirje «na pieryjad Dnia Pieramohi».
Tramp hetuju inicyjatyvu padtrymaŭ.
Taksama Pucin paskardziŭsia prezidentu ZŠA na «terarystyčnyja ataki» Ukrainy i zapeŭniŭ jaho ŭ poŭnaj pieravazie Rasii na froncie.
«Uładzimir Pucin acharaktaryzavaŭ biahučuju abstanoŭku na linii sutyknieńnia, dzie našy vojski ŭtrymlivajuć stratehičnuju inicyjatyvu, ciaśniać pazicyi praciŭnika. Naš prezident znoŭ paćvierdziŭ, što mety SVA ŭ lubym vypadku buduć dasiahnuty», — paviedamiŭ Ušakoŭ.
Taksama Pucin asudziŭ niadaŭniuju sprobu zamachu na Trampa i zajaviŭ pra «nieprymalnaść palityčnaha hvałtu».
Tramp ža nibyta skazaŭ Pucinu, što ździełka dla vyrašeńnia kanfliktu va Ukrainie ŭžo blizkaja.
Čytajcie taksama:
Tramp: Nianaviść pamiž Pucinym i Zialenskim — heta śmiešna
Miełoni: Zachad pavinien patrabavać kroki napierad ad Pucina, a nie iści jamu nasustrač
Tramp zajaviŭ, što Pucina nie zaprašali na G20 u Majami, ale jahony ŭdzieł byŭ by karysny
Kir Starmier zajaviŭ, što jamu nadakučyli dziejańni Pucina i Trampa