37‑hadovaha viełasipiedysta z Salihorska kinuli za kraty za Hajuna
Jaŭhien Dzierunoŭ rodam z rasijskaj Karelii, ale ŭsio žyćcio pražyŭ u Biełarusi.
Jaŭhien Dzierunoŭ u 2014 hodzie. Fota ź jahonaj staronki Ukantakcie
Jaŭhienu Dzierunovu 37 hadoŭ. U sacsietkach jon pisaŭ, što rodam z rasijskaj Karelii, ale ŭsio žyćcio pražyŭ u Salihorsku. Paśla škoły adsłužyŭ u vojsku. Jaŭhien pisaŭ, što pracavaŭ ślesaram kantrolna-vymiaralnych pryboraŭ i aŭtamatyki i što praca hetaja składanaja.
Pa-za pracaj hałoŭnym zachapleńniem salihorca byŭ — viełasport. Jon žyŭ ličbami pra kiłamietry, chutkaść i nabor vyšyni, jakija fiksavaŭ praz svaje devajsy. Jaŭhien rehularna dzialiŭsia trekami, abmiarkoŭvaŭ vybar viełakampjutaraŭ i parady pa ramoncie, udzielničaŭ u miascovych amatarskich zajezdach. Kataŭsia jon amal štodnia.
Jaŭhien Dzierunoŭ padčas adnoj z rovarnych vandrovak. Fota ź jahonaha telehrama
Mužčynu zatrymali 30 červienia 2025 hoda. Jaho asudzili niadaŭna ŭ Minskim abłasnym sudzie pavodle častak 1 i 2 artykuła 361‑4 KK (sadziejničańnie ekstremisckaj dziejnaści).
Kryminalny pieraśled źviazany sa spravaj Hajuna. Chutčej za ŭsio, jamu prysudzili pakarańnie, źviazanaje z pazbaŭleńniem voli — u anłajnie Dzierunoŭ tak i nie źjaviŭsia.
Čytajcie taksama:
Biełaruskamoŭnaha inžyniera rodam z Chojnikaŭ asudzili — chutčej za ŭsio, pa spravie Hajuna
Mulara z Žodzina asudzili pa spravie Hajuna i za «abrazu» Łukašenki