Amierykanski astranaŭt u kosmasie raptam razvučyŭsia havaryć

58‑hadovy astranaŭt Majk Fink padčas znachodžańnia na Mižnarodnaj kaśmičnaj stancyi raptoŭna straciŭ zdolnaść havaryć. Incydent adbyŭsia 7 studzienia padčas viačery, za dzień da vychadu ŭ adkryty kosmas. Prystup doŭžyŭsia kala 20 chvilin, paviedamlaje Associated Press.

Majk Fink sprava. Fota: Joel Kowsky/NASA via Getty Images

Sam astranaŭt adznačyŭ, što nie adčuvaŭ bolu i nie mieŭ prablem z dychańniem. Kalehi, adnak, adrazu źviarnulisia pa dapamohu da ŭračoŭ na Ziamli.

Paśla zdareńnia Fink chutka adnaviŭsia i padobnyja vypadki bolš nie paŭtaralisia. Miedyki vyklučyli sardečny prystup, ale dakładnuju pryčynu pakul nie vyznačyli. Mahčyma, heta źviazana z doŭhim znachodžańniem u kosmasie — u ahulnym liku astranaŭt za svajo žyćcio pravioŭ tam amal 549 dzion, ździejśniŭšy 4 paloty.

Mienavita praz hety vypadak ekipaž viarnuŭsia na Ziamlu raniej zapłanavanaha. Sam Fink škaduje, što z-za jaho stanu byŭ admienieny vychad u adkryty kosmas, i spadziajecca, što jašče zmoža viarnucca na stancyju.

Kamientary da artykuła