Ukrainskija ŭdary pa partach paralizavali amal pałovu rasijskaha naftavaha ekspartu
Vialikija naftaparty Rasii na Bałtycy — Prymorsk i Uść-Łuha — znoŭ prypynili adhruzku nafty paśla druhoha za tydzień nalotu ŭkrainskich bieśpiłotnikaŭ, paviedamlaje ahienctva Reuters sa spasyłkaj na dźvie krynicy ŭ rasijskaj naftavaj halinie.
Tak apakaliptyčna vyhladaŭ hazakandensatny pierapracoŭčy kompleks kampanii «Novatek» u porcie Uść-Łuha paśla ŭdaru ŭkrainskich dronaŭ siońnia ŭnačy. Pažar pierakinuŭsia na bolšuju častku kompleksu
Port Uść-Łuha, adkul štodnia na ekspart vyvozicca kala 700 tysiač baralaŭ nafty, paciarpieŭ ad ataki BPŁA ŭ minułuju noč. U vyniku ŭ porcie, jaki akramia nafty ekspartuje taksama naftapradukty, vuhal i ŭhnajeńni, pačaŭsia pažar, paviedamiŭ hubiernatar Leninhradskaj vobłaści Alaksandr Draździenka.
Adhruzka nafty prypynienaja i ŭ Prymorsku — hałoŭnym naftaporcie na Bałtycy z mahutnaściu 1 miljon baralaŭ u sutki. Tam 22 sakavika taksama byŭ nalot BPŁA, u vyniku jakoha zaharelisia reziervuary z palivam.
Choć paśla niadzielnaj ataki party na niekatory čas adnavili pracu, narmalna funkcyjanavać jany pakul nie mohuć z-za pažaraŭ, paškodžańniaŭ i pahrozy novych nalotaŭ, paviedamili krynicy Reuters.
Pavodle padlikaŭ ahienctva, zaraz paralizavana kala 40% ekspartnych mahutnaściaŭ Rasii pa nafcie — heta prykładna 2 miljony baralaŭ u dzień. Akramia bałtyjskich partoŭ, ź pierabojami pracuje taksama Novarasijski port na Čornym mory, jaki raniej u sakaviku paciarpieŭ ad ataki BPŁA. Jon maje mahutnaść kala 700 tysiač baralaŭ u sutki, ale ciapier adstaje ad hrafika pahruzki.
Z-za prastoju bałtyjskich partoŭ tankiery pačali źbiracca ŭ mory: pa danych MarineTraffic, ciapier nie mienš za 50 sudnaŭ znachodziacca ŭ Finskim zalivie, pryznačeńnie ich — Prymorsk abo Uść-Łuha. Dym ad pažaru ŭ porcie, dzie raźmieščanyja 33 reziervuary dla paliva abjomam bolš za 500 vahonaŭ-cysternaŭ, bačny ź bierahoŭ Finlandyi — na dziasiatki kiłamietraŭ uzdoŭž uźbiarežža zaliva, paviedamlaje vydańnie Helsingin Sanomat.
Čytajcie taksama:
U Leninhradskaj vobłaści adbyłasia masiravanaja ataka dronaŭ: pažary ŭ partach i kałaps u Pułkavie
Padčas načnoj ataki ŭkrainskich dronaŭ u porcie Vybarha byŭ paškodžany najnoŭšy rasijski ledakoł
Drony, jakija zalacieli ŭ Łatviju i Estoniju, akazalisia ŭkrainskimi