Syrski: Za luty USU vyzvalili bolš terytoryi, čym rasijanie zachapili
U lutym 2026 hoda ŭpieršyniu z času Kurskaj nastupalnaj apieracyi siły abarony Ukrainy adnavili kantrol nad bolšaj terytoryjaj, čym zdoleŭ zachapić praciŭnik, paviedamiŭ hałoŭnakamandujučy Uzbrojenych sił Ukrainy Alaksandr Syrski.
Alaksandr Syrski. Fota ź jaho telehram-kanała
Za try zimovyja miesiacy, jak śćviardžaje Syrski, było źniščana bolš varožych sałdat, čym praciŭnik zmoh pryciahnuć u svaje šerahi.
Ahulnyja straty rasijskich vojskaŭ, pa jaho źviestkach, za try zimovyja miesiacy skłali kala 92 850 čałaviek zabitymi i paranienymi, što ŭ siarednim składaje 1031 čałaviek u sutki.
Taksama za hety pieryjad praciŭnik straciŭ 322 tanki, 430 bajavych braniravanych mašyn, 2967 artyleryjskich sistem, 110 reaktyŭnych sistem załpavaha ahniu, 55 srodkaŭ supraćpavietranaj abarony, 5 samalotaŭ, 1 viertalot, 65 269 bieśpiłotnikaŭ apieratyŭna-taktyčnaha ŭzroŭniu, pa adnym karabli i padvodnaj łodcy, 11 927 adzinak aŭtatechniki, 65 adzinak śpiecyjalnaj techniki.
Taksama Alaksandr Syrski paviedamiŭ, što pravodziacca aktyŭnyja vynikovyja dziejańni na Alaksandraŭskim i Hulajpolskim kirunkach. Niahledziačy na zajavy rasijskaha kiraŭnictva, uzmacniajecca kantrol nad Kupianskam i skaračajecca kolkaść varožych dyviersijnych hrup u horadzie. Taksama praciahvajecca strymlivańnie praciŭnika ŭ rajonie Pakroŭska-Mirnahradskaj ahłamieracyi.
Čytajcie taksama:
Nastup Ukrainy na Poŭdni: jakija jaho mety i vyniki
Prasoŭvańnie Rasii va Ukrainie praktyčna spyniłasia