FSB: Padazravanyja ŭ zamachu na hienierała HRU Alaksiejeva byli zavierbavanyja SBU pry sadziejničańni śpiecsłužb Polščy
Zatrymanyja pa spravie ab zamachu na hienierała HRU Alaksiejeva Lubamir Korba i Viktar Vasin pryznali vinu, śćviardžajuć u FSB.
Kadr ź videa ź miesca zamachu na hienierała HRU Alaksiejeva
Pa viersii FSB, Korba byŭ zavierbavany SBU ŭ žniŭni 2025 hoda. Jon prajšoŭ strałkovuju padrychtoŭku na palihonie ŭ Kijevie. Viarboŭka, pa viersii FSB, prachodziła «pry sadziejničańni śpiecsłužbaŭ Polščy».
Korba byŭ nakiravany ŭ Rasiju ŭ žniŭni 2025 hoda. Jon vioŭ nazirańnie za vysokapastaŭlenymi vajskoŭcami ŭ Maskvie, paviedamili ŭ FSB.
Korba ŭziaŭ pistalet, zakładzieny śpiecsłužbami Ukrainy, sa schovišča ŭ Padmaskoŭi.
Lubamir Korba i Viktar Vasin pryznali vinu.
Ź infarmacyi FSB, śpiecsłužby Ukrainy im abiacali $30 tysiač za zabojstva hienierała HRU Alaksiejeva.
6 lutaha ŭ Maskvie sprabavali zabić namieśnika kiraŭnika HRU Uładzimira Alaksiejeva — u liftavym chole jaho doma na Vałakałamskaj šašy.
Pavodle padazreńnia ŭ vykanańni zamachu zatrymali 65‑hadovaha Lubamira Korbu (jon hramadzianin Rasii, ale naradziŭsia va Ukrainie). Jaho schapili ŭ Dubai i dastavili ŭ Maskvu.
U Maskvie zatrymali taksama, jak śćviardžaje FSB, jaho pamočnika 66‑hadovaha Viktara Vasina. Inšaja pamočnica Zinaida Sierabryckaja, pavodle FSB, paśpieła vyjechać va Ukrainu.
Čytajcie taksama:
Što viadoma pra ŭdzielnicu zamachu na hienierała HRU
Apublikavanaje videa ź miesca zamachu na hienierała HRU Alaksiejeva
Vykanaŭcam zamachu na hienierała Alaksiejeva byŭ hramadzianin Rasii. Jaho dastavili ŭ Maskvu
U Dubai zatrymali čałavieka, jaki stralaŭ u namieśnika načalnika HRU