Kaleśnikava padziakavała za padtrymku i kiłavaty ciepłyni i śviatła, jakija jany adčuła ŭ apošnija dni

«U apošnija dni vy akacili mianie takoj hihanckaj chvalaj lubovi i padtrymki, što ja nie mahu znajści słoŭ, kab vykazać vam svaju ŭdziačnaść!» — piša Maryja ŭ fejsbuku.

Maryja Kaleśnikava. Fota: Soeren Stache picture alliance via Getty Images

«Zaraz dla nas usich nie samy prosty pieryjad. Byvaje ciomna, byvaje strašna, byvaje adčuvańnie, što ty sam-nasam z hetym śvietam, dzie ahresija i nianaviść hučnyja jak nikoli. Ale mienavita ŭ takija momanty asabliva jasna razumieješ: my možam być majakami adzin dla adnaho. Bo mienavita majaki ratujuć ad katastrof i karablekrušeńniaŭ. My pavinny być žyvym, jarkim śviatłom adzin dla adnaho — u kamunikacyi, pozirkach, hołasie, u prostym «ja z taboj» i «abdymaju».

Dziakuj vam za kiłavaty ciapła i śviatła. Za vašu dabryniu, za ŭvahu, za luboŭ i za toje, što vy pobač. Za toje, što, jak i ja, vierycie, što dabra bolš i dabro pieramoža, za toje, što znachodzicie ŭ sabie siły i niesiacie dabro i luboŭ u hety morak. Dziakuj za toje, što nie dajacie śviatłu zhasnuć.

Ja vieru — ciomnyja časy projduć. Nie tamu, što raptam stanie lohka, a tamu, što my idziem praź ich nie ŭ adzinočku.

Ja biaskonca ŭdziačnaja vam. I abiacaju — być pobač, śviacić i dzialicca ciapłom z vami, maje darahija», — napisała Maryja Kaleśnikava.

Kamientary da artykuła