U Breście pradaviec mašyn rekłamavaŭ aŭtamabil i nie dumaŭ pra azimyja
U Breście mužčyna, jaki zajmajecca prodažam aŭtamabilaŭ, paškodziŭ pasievy elitnaj pšanicy padčas zdymak rekłamnaha videa. Supracoŭniki milicyi znajšli rolik u internet-čacie, dzie demanstravalisia mahčymaści kitajskaha ŭsiedarožnika na biezdarožžy, piša BiełTA.
Vyśvietliłasia, što dla dryftu aŭtar videa abraŭ sielskahaspadarčaje pole kala vioski Stradzieč Bresckaha rajona. U vyniku zajezdu aŭtamabila byli paškodžanyja pasievy pšanicy, a miascovamu sielhaspradpryjemstvu naniesienyja straty na sumu kala 1,4 tysiačy rubloŭ.
Parušalnikam akazaŭsia 42‑hadovy žychar Bresta. Dla rekłamy novaj mašyny jon źviarnuŭsia da błohieraŭ, jakija dapamahli sa zdymkami i apublikavali videa. Mužčyna patłumačyŭ, što z-za śniehu nie było zrazumieła, što na poli rastuć kulturnyja raśliny. Svaju vinu jon pryznaŭ i vykazaŭ raskajańnie.
Jak jaho pakarać, pakul jašče dumajuć.
Čytajcie taksama:
Były ministr sielskaj haspadarki źbirajecca vyroščvać pšanicu ŭ Livii
U Rasii niezadavolenyja, što biełarusy zavalvajuć ich tannym masłam
Biełaruś pastaviła ŭ Rasiju tak šmat małaka, što stolki i nie treba