U Viciebsku na prodaž vystavili častku čyhunačnaha vakzała
U Viciebsku vystavili na tarhi administracyjny korpus čyhunačnaha vakzała. Abjekt pradajecca na placoŭcy «BUTB-Majomaść», a jaho pačatkovy košt składaje kala 8,2 miljona rubloŭ, piša Office Life.
Fota: BUTB-«Majomaść»
Havorka idzie pra trochpaviarchovy cahlany budynak, uźviedzieny ŭ 1960 hodzie. Jaho ahulnaja płošča — kala 2,7 tysiačy kvadratnych mietraŭ. Pamiaškańnie całkam zabiaśpiečana inžyniernymi kamunikacyjami: jość elektryčnaść, aciapleńnie, vodazabieśpiačeńnie, telefonnaja suviaź i vientylacyja.
Akramia samoha budynka, pakupniku prapanujuć u arendu ziamielny ŭčastak płoščaj 0,2706 hiektara. Pry hetym arenda budzie aformlenaja biez aŭkcyjonu i biez płaty za prava karystańnia ziamloj, a termin vyznačać užo pry padpisańni damovy. Metavaje pryznačeńnie ŭčastka — budaŭnictva i absłuhoŭvańnie administracyjnych budynkaŭ i zbudavańniaŭ.
Darečy, u listapadzie minułaha hoda hety ž abjekt užo vystaŭlali na prodaž na inšaj aŭkcyjonnaj placoŭcy — GosTorg. Praŭda, tady košt nie nazyvali, bo arhanizatary chacieli tolki acanić zacikaŭlenaść patencyjnych pakupnikoŭ.
Čytajcie taksama:
U centry Minska chočuć źnieści vielizarny zavod i pabudavać žyllo
U histaryčnaha budynka z Hłybokaha narešcie źjaviŭsia haspadar
Histaryčny majontak va Ušackim rajonie nabyŭ za biescań rasijanin