Pamior zasnavalnik modnaha doma Valentino
Italjanski dyzajnier i zasnavalnik modnaha doma Valentino Valancina Haravani pamior va ŭzroście 93 hadoŭ. Pra heta paviedamiŭ jahony fond u Instagram.
Valancina Haravani
Valancina Haravani pajšoŭ z žyćcia 19 studzienia ŭ svajoj rezidencyi ŭ Rymie, u atačeńni blizkich ludziej. Jahonaje pachavańnie adbudziecca 23 studzienia, a raźvitańnie ź lehiendarnym madeljeram projdzie 21—22 studzienia.
Haravani byŭ adnym z samych upłyvovych dyzajnieraŭ XX stahodździa. Jon naradziŭsia 11 maja 1932 hoda ŭ horadzie Vohiera na poŭnačy Italii. Mastactva mody vyvučaŭ u Miłanie, a paśla ŭ Paryžy, dzie vučyŭsia ŭ Škole vyjaŭlenčych mastactvaŭ (École des Beaux-Arts) i pracavaŭ u atelje Žana Desa i Hi Łaroša.
U 1960 hodzie jon stvaryŭ svoj ułasny modny dom Valentino ŭ Rymie, a suśvietnuju słavu atrymaŭ dziakujučy kalekcyi 1962 hoda, pakazanaj u Fłarencyi.
Adzieńnie Haravani vybirali takija znakamitaści, jak Žaklin Kenedzi, Odry Chiopbiern, Dženifier Łopies, Džulija Robierts i inšyja.
Haravani adkryta pryznavaŭsia ŭ svajoj homaseksualnaści, a jahonym partnioram byŭ italjanski biznesmien Džankarła Džamieci.
Čytajcie taksama:
Pamior režysior «Karala Lva» Rodžer Alers
U Mazambiku pamierła viadomaja va ŭsim śviecie žančyna, jakuju nazyvali «dziciom-cudam»