Pamior režysior «Karala Lva» Rodžer Alers
Rodžer Alers, režysior animacyi, naminavany na premii «Oskar» i «Toni» i najbolš viadomy svajoj pracaj nad multfilmam «Karol Leŭ» 1994 hoda, pajšoŭ z žyćcia va ŭzroście 76 hadoŭ, paviedamlaje The Hollywood Reporter.
Rodžer Alers
Da stvareńnia «Karala Lva» Alers udzielničaŭ u pracy nad šeraham inšych znakavych multfilmaŭ studyi Disney, siarod jakich «Aładzin», «Pryhažunia i Pačvara» i «Rusałačka». Akramia taho, jon mieŭ dačynieńnie da raspracoŭki filma «Tron» 1982 hoda — adnaho ź pieršych bujnych kinaprajektaŭ, dzie šyroka vykarystoŭvałasia kampjutarnaja hrafika.
Hienieralny dyrektar Disney Bob Ajhier adznačyŭ, što Rodžer Alers byŭ tvorcam z unikalnym bačańniem, a jahony ŭniosak u spadčynu kampanii zastaniecca ŭ pamiaci i sercach budučych pakaleńniaŭ.
Čytajcie taksama:
U Mazambiku pamierła viadomaja va ŭsim śviecie žančyna, jakuju nazyvali «dziciom-cudam»