Syn Ramzana Kadyrava trapiŭ u ciažkuju avaryju
Syn kiraŭnika Čačni Ramzana Kadyrava Adam trapiŭ u DTZ, paśla jakoha byŭ špitalizavany ŭ ciažkim stanie i biez prytomnaści, paviedamili čačenski apazicyjny telegram-kanał Niyso i vydańnie «Kavkaz.Riealii».
Adam Kadyraŭ
Jak paviedamlajecca, Adam Kadyraŭ znachodzicca ŭ respublikanskaj balnicy ŭ Hroznym. Ciapier jaho, jak śćviardžaje Niyso, reanimujuć i rychtujuć da pieravozki ŭ Maskvu.
Pavodle danych krynic, kartež Kadyrava-małodšaha ruchaŭsia na vialikaj chutkaści, u DTZ udzielničali niekalki aŭtamabilaŭ, paciarpieli niekalki čałaviek. Paśla avaryi Hrozny byŭ častkova pierakryty.
Adamu Kadyravu ŭsiaho 18 hadoŭ, ale jon daŭno viadomaja asoba jak u Čačni, tak i za jaje miežami.
U vieraśni 2023 hoda Ramzan Kadyraŭ apublikavaŭ videa, na jakim tady 15‑hadovy Adam źbivaje ŭ SIZA Mikitu Žuraŭla, abvinavačanaha ŭ spravie pra spalvańnie Karana. Tady kiraŭnik Čačni zajaviŭ, što hanarycca synam.
Paśla hetaha Adamu Kadyravu stali prysvojvać roznyja ŭznaharody, a da taho ž, niahledziačy na zusim małady ŭzrost, jon zaniaŭ u Čačni niekalki vysokich pasad. Siarod inšaha jon sakratar Rady biaśpieki Čačni i kuratar respublikanskaha MUS.
Čytajcie taksama:
U Kadyrava pierastali pracavać nyrki, Kreml šukaje novaha kiraŭnika Čačni — HUR
Ramzan Kadyraŭ pryznačyŭ 20‑hadovaha syna vice-premjeram Čačni
Ramzan Kadyraŭ tydzień nie źjaŭlajecca na publicy. Kažuć, što jaho terminova špitalizavali ŭ Maskvie