Biełaruś — adna z samych chałodnych krain u śviecie

Biełaruś uvachodzić u lik samych chałodnych krain śvietu pa siaredniehadavoj tempieratury. Pa danych Suśvietnaha banka i Climatic Research Unit za 1991‑2020 hady, siaredniaja tempieratura ŭ krainie składaje 7,45°C, piša Thinktanks.pro.

Zdymak ilustracyjny. Fota: «Mietieovajb»

U hłabalnym rejtynhu Biełaruś zajmaje 212 miesca z 234 krain i terytoryj, što robić jaje adnoj z samych chałodnych nie tolki ŭ Jeŭropie, ale i ŭ śviecie ŭ cełym.

Krainy — našy susiedki raźmiaścilisia ŭ rejtynhu nastupnym čynam:

• Ukraina — 201 miesca (9,27°C);
• Polšča — 206 miesca (8,78°C);
• Litva — 214 miesca (7,38°C);
• Łatvija — 217 miesca (6,87°C);
• Rasija — 231 miesca (-3,79°C)

Samaj haračaj krainaj u śviecie źjaŭlajecca Burkina-Faso ź siaredniaj tempieraturaj 30,40°C. U pieršaj piaciorcy taksama Mali (29,21°C), Aruba (29,17°C), Sieniehał (28,90°C) i Maŭrytanija (28,82°C). Bolšaść samych haračych krain skancentravanyja ŭ Afrycy, a taksama ŭ inšych trapičnych rehijonach i na Blizkim Uschodzie.

Samyja chałodnyja krainy śvietu raźmieščanyja ŭ paŭnočnych šyrotach. Samaj chałodnaj krainaj źjaŭlajecca Hrenłandyja z tempieraturaj -18,7°C, za joj iduć arktyčnyja terytoryi Narviehii (-6,78°C) i Kanada (-4,03).

Kamientary da artykuła