U Biełarusi rupiacca pra ŭklučeńnie babki i dranikaŭ u śpis kulturnaj spadčyny JUNIESKA

Biełaruś imkniecca pavysić svaju turystyčnuju pryvabnaść na mižnarodnym uzroŭni. U suviazi z hetym ciapier rychtujecca daśje pad nazvaj «Stravy ź ciortaj bulby», kab uklučyć ich u Śpis niemateryjalnaj kulturnaj spadčyny JUNIESKA. Pra heta paviedamiła padčas pres-kanfierencyi načalnica ŭpraŭleńnia achovy histaryčna-kulturnaj spadčyny Ministerstva kultury Iryna Daščynskaja.

Draniki. Zdymak ilustracyjny. Fota: «Naša Niva»

Pa słovach čynoŭnicy, biełaruskija śpiecyjalisty zaraz pracujuć nad nacyjanalnym daśje «Stravy ź ciortaj bulby, tradycyi pryhatavańnia i spažyvańnia ŭ Biełarusi».

Jana taksama adznačyła, što na siońnia Biełaruś užo pradstaŭlenaja ŭ JUNIESKA čatyrma abjektami materyjalnaj kulturnaj spadčyny i siamiu niemateryjalnymi.

Iryna Daščynskaja padkreśliła, što najaŭnaść abjektaŭ u Śpisie suśvietnaj spadčyny pavyšaje ich status, robić ich i ŭsiu krainu bolš viadomymi i cikavymi dla turystaŭ.

Jak adznačyła supracoŭnica Minkulta, zachavańnie histaryčnaj i kulturnaj spadčyny nieabchodnaje dla ŭstojlivaha raźvićcia krainy i ŭmacavańnia jaje imidžu ŭ śviecie.

Jašče adnym pretendentam na ŭniasieńnie ŭ śpis JUNIESKA, pa jaje słovach, moža stać biełaruskaja malavanka. Raśpisanyja farbami dyvany tradycyjna ŭpryhožvali ścieny ŭ sialanskich chatach. 

Kamientary da artykuła