Na Filipinach žančyna čatyry hady maliłasia zamiest Budy Šreku
Na Filipinach žančyna čatyry hady pakłaniałasia zialonaj fihurcy, jakuju ličyła statuetkaj Budy. Akazałasia, što na samaj spravie heta była 3D-drukavanaja fihurka mulciašnaha hieroja Šreka, paviedamlaje vydańnie South China Morning Post.
Fota: scmp.com
Žančyna kupiła fihurku ŭ adnoj z kram filipinskaj stalicy Maniły i pastaviła jaje na bačnaje miesca ŭ chatnim ałtary. Štodnia jana zapalvała pierad joj duchmianyja rečyvy i maliłasia sa spadzievam atrymać błasłaŭleńnie.
Pamyłku filipinki zaŭvažyŭ jaje hość, jaki źviarnuŭ uvahu na koler i rysy tvaru, što mocna adroźnivalisia ad zvyčajnaj vyjavy Budy.
Fota z sacsietak
Paśla adkryćcia praŭdy žančyna, adnak, nie zasmuciłasia i nie zasaromiełasia. Jana adznačyła, što važnaja ščyraść malitvy, a nie sama fihurka, a tamu płanuje praciahvać pakłanieńnie joj.
Heta historyja vyklikała chvalu žartaŭ u sacsietkach. Karystalniki adznačali, što ščyraje nabaženstva važniejšaje za źniešni vyhlad statui, a taksama što ŭ budyzm daŭno ŭvajšli elemienty miascovych tradycyj, tamu niečakanyja formy pakłanieńnia — nie dziva.
Čytajcie taksama:
Na Tajvani vałancior muzieja źniščyŭ tvor sučasnaha mastactva, pracioršy lusterka ad pyłu
Butan vydzielić 10 tysiač bitkojnaŭ na raźvićcio futurystyčnaha «Horada ŭśviadomlenaści»
Žančyna zajmałasia seksam z budysckimi manachami, a paśla šantažavała ich
U śviecie stała mienš ateistaŭ. Ale ŭ Jeŭropie relihija adstupaje