Tramp: Mnie nie treba mižnarodnaje prava. Dastatkova ŭłasnych rozumu i marali

Prezident ZŠA Donald Tramp zajaviŭ, što jak hałoŭnakamandujučy jon faktyčna nie maje źniešnich abmiežavańniaŭ u svajoj uładzie, akramia ŭłasnych maralnych pryncypaŭ. Pra heta paviedamlaje vydańnie The New York Times.

Donald Tramp. Fota: Anna Moneymaker / Getty Images

Adkazvajučy na pytańnie žurnalista pra toje, ci isnujuć niejkija miežy jaho hłabalnaha ŭpłyvu, Tramp skazaŭ, što adzinym abmiežavańniem dla jaho źjaŭlajucca jahony ŭłasny rozum i asabistaja maral. Pavodle jahonych słoŭ, mienavita ŭnutranyja pierakanańni i asabistaja adkaznaść strymlivajuć jaho dziejańni.

«Ci jość niejkija miežy vašaj ułady?», — zapytaŭ u prezidenta ZŠA žurnalist.

Na heta Tramp adkazaŭ:

«Tak, jość adna reč. Maja ŭłasnaja maral. Moj ułasny rozum. Heta adzinaje, što moža mianie spynić. Mnie nie patrebnaje mižnarodnaje prava. Ja nie imknusia čynić ludziam škodu».

Kamientary da artykuła