U terminałach Pryjorbanka pierastanuć prymać najaŭnyja
Z 3 studzienia ŭ płaciežna-daviedačnych terminałach Pryjorbanka bolš nielha budzie raźličvacca najaŭnymi hrašyma — zastanucca tolki bieznajaŭnyja apieracyi. U banku tłumačać heta abnaŭleńniem i madernizacyjaj abstalavańnia.
Fota ilustracyjnaje
Papaŭniać bankaŭskija karty paśla hetaj daty prapanujuć praz bankamaty z pašyranym funkcyjanałam — tak zvanyja resajklery. U ich źjaviłasia mahčymaść papaŭnieńnia kartak Visa i MasterCard Pryjorbanka z dapamohaj PAY-servisaŭ, ustalavanych na smartfonach klijentaŭ, u tym liku Apple Pay, Samsung Pay i Swoo Pay.
Akramia taho, dla papaŭnieńnia kartak praź sistemu ARIP možna źviartacca ŭ adździaleńni «Biełpošty».
Taksama raniej paviedamlałasia, što z 3 śniežnia Pryjorbank źmianiaje praviły mižnarodnych pieravodaŭ z karty na kartu: na praciahu tydnia dazvolena nie bolš za 20 takich apieracyj na adnu kartu.
Čytajcie taksama:
Pryjorbank uvodzić abmiežavańni na źniaćcie hrošaj bieskantaktavym sposabam
U jakich biełaruskich bankamatach možna źniać hrošy z zamiežnaj karty i kolki heta kaštuje
Stała viadoma, jak vyhladaje Machamied Aldasary — zahadkavy novy kiraŭnik Pryjorbanka