Rasija nie prymaje 20 punktaŭ mirnaha płana i vystavić sustrečnyja patrabavańni

Kreml adchiliŭ adredahavany mirny płan z 20 punktaŭ, jaki pradstaviŭ prezident Ukrainy Uładzimir Zialenski, i rychtuje svaje ŭmovy dla dalejšych pieramoŭ. Pavodle infarmacyi Bloomberg ad blizkaj da Kramla krynicy, płan rasceńvajecca Maskvoj tolki jak «pačatkovaja baza» dla pieramoŭ

Uładzimir Pucin. Fota: Alexander Kazakov, Sputnik, Kremlin Pool Photo via AP

Na dumku Maskvy, padrychtavany płanie nie ŭklučaje šerah važnych dla Rasii punktaŭ i nie adkazvaje na takija klučavyja pytańni, jak:

• harantyi ad nastupalnaha pašyreńnia NATA na ŭschod;
• niejtralny status Ukrainy ŭ vypadku ŭstupleńnia ŭ ES;
• status ruskaj movy;
• abmiežavańni dla USU paśla kanfliktu;
• pytańni sankcyj i zamarožanych aktyvaŭ Rasii na Zachadzie.

Kreml nie admaŭlajecca razhladać dakumient i hatovy analizavać jaho z «chałodnaj hałavoj», kab nie razdražniać prezidenta ZŠA Donalda Trampa. Pa słovach pres-sakratara Kramla Dźmitryja Piaskova, Pucin užo aznajomiŭsia z padrabiaznaściami pieramoŭ z ZŠA paśla sustrečy rasijskaj i amierykanskaj delehacyj u Majami.

Zialenski 24 śniežnia nazvaŭ usie 20 punktaŭ svajho płana. Jon praduhledžvaje padpisańnie damovy ab nienapadzie pamiž Ukrainaj i Rasijaj z kantrolem na linii sudakranańnia, a taksama zabieśpiačeńnie harantyj biaśpieki z boku ZŠA, NATA i Jeŭrasajuza pa ŭzory piataha artykuła statuta NATA. Rasija pavinna budzie aficyjna zaćvierdzić palityku nienapadu na Ukrainu i Jeŭropu.

Terytaryjalnyja pytańni zastajucca składanymi. Ukraina prapanuje, kab Rasija całkam pakinuła zaniatyja terytoryi ŭ Dnieprapiatroŭskaj, Mikałajeŭskaj, Sumskaj i Charkaŭskaj abłaściach, a ŭ Danieckaj, Łuhanskaj, Zaparožskaj i Chiersonskaj — zastavałasia na miescy. Maskva ž patrabuje vychadu USU z Danieckaj vobłaści. Vašynhton prapanuje kampramis u vyhladzie svabodnaj ekanamičnaj zony, jakaja mahčymaja tolki praz refierendum va Ukrainie.

Kamientary da artykuła