Na froncie zahinuŭ žurnalist Lenty.ru, jaki dasłužyŭsia da lejtenanta i kamandavaŭ uzvodam
Rasijskaje vydańnie «Lenta.ru» paviedamiła, što na froncie pad Sievierskam zahinuŭ były jaho karespandent Mikałaj Čyhasaŭ. Jak paviedamlajecca, jon atrymaŭ śmiarotnyja ranieńni ŭ vyniku ataki ŭkrainskaha bieśpiłotnika kala siała Vierchniakamienskaha jašče ŭ siaredzinie vieraśnia.
Mikałaj Čyhasaŭ
Mikałaj Čyhasaŭ skončyŭ fakultet palitałohii i suśvietnaj palityki Vyšejšaj škoły ekanomiki ŭ Sankt-Pieciarburhu, pracavaŭ u mižnarodnaj redakcyi «Lenty.ru» ŭ 2021—2022 hadach.
Paśla pačatku poŭnamaštabnaj vajny va Ukrainie ŭ 2022 hodzie Čyhasaŭ spačatku aśviatlaŭ prablemy biežancaŭ, a paźniej dobraachvotna pajšoŭ na front. Jon udzielničaŭ u stvareńni sistem supraćdziejańnia ŭkrainskim bieśpiłotnikam u Łuhanskaj vobłaści, słužyŭ u padraździaleńni «Surykaty».
U vieraśni 2024 hoda Čyhasaŭ atrymaŭ askołačnaje ranieńnie ad FPV-drona, ale tady zdoleŭ vyžyć. Apošni hod jon vajavaŭ pad Sievierskam, kamandavaŭ uzvodam ahniavoj padtrymki šturmavoj roty. Pačaŭšy słužbu šarahoŭcam, jon dasłužyŭsia da zvańnia lejtenanta.
Čytajcie taksama:
U Zaparožskaj vobłaści zahinuŭ vajenkar «RIA-Novosti» Ivan Zujeŭ
Syn namieśnika dyrektara CRU zahinuŭ, zmahajučysia za Rasiju suprać Ukrainy