Dyziel-ciahniki ź Lidy ŭ apošni momant pieradumali admianiać
Niadaŭna paviedamlali, što Biełaruskaja čyhunka z 14 śniežnia 2025 hoda vyrašyła admianić dyziel-ciahniki Lida — Bieniakoni. Ale ŭ vyniku ich udałosia abaranić, piša Blizko.by.
Zdymak ilustracyjny
U listapadzie ŚMI paviedamlali:
«Spyniajecca kursiravańnie ciahnikoŭ rehijanalnych linij ekanomkłasa złučeńniem Lida — Bieniakoni — Lida z zamiaščeńniem pieravozki pasažyraŭ aŭtamabilnym transpartam rehularnych znosin».
Heta značyć, što linija daŭžynioj 43 kiłamietry sa stancyjami Hudy, Bastuny, Voranava, Bieniakoni mieła zastacca biez apošnich dyziel-ciahnikoŭ. Heta vyklikała niezadavalnieńnie miascovych žycharoŭ.
Ciapier ža rajonnaja «Voranaŭskaja hazieta» piša:
«Uradam Respubliki Biełaruś pryniata rašeńnie ab zachavańni kursiravańnia ciahnikoŭ rehijanalnych linij ekanomkłasa złučeńniem «Bieniakoni — Lida — Bieniakoni» ŭ 2025‑2026 hadach».
U suviazi z hetym raniej pryznačanyja ŭzamien aŭtobusnyja rejsy admianiajucca.
U sistemie prodažu kvitkoŭ BČ raskład pakul dvajaki: napisana i «dni kursiravańnia: štodnia pa 13 śniežnia», i «dni kursiravańnia: štodnia z 14 śniežnia». Čas ruchu całkam supadaje.
Čytajcie taksama:
U viosku na Hrodzienščynie bolš nie chodzić dyziel. Reakcyja čynoŭnikaŭ dabiła žycharoŭ