Charčovy impart Biełarusi z Rasii nabližajecca da 3 miljardaŭ dalaraŭ

Z ahulnaha abjomu ekspartu Rasijaj praduktaŭ charčavańnia ŭ krainy JEAES, jaki pa vynikach dzieviaci miesiacaŭ 2025 hoda skłaŭ 6,2 miljarda dalaraŭ, na Biełaruś prypadaje 45%, i heta pieršaje miesca pa ŭsim hetym abjadnańni, piša vydańnie «Biełorusy i rynok».

Fota ilustracyjnaje

Na druhim miescy znachodzicca Kazachstan (42%), na trecim — Kyrhyzstan (7%) i na čaćviortym — Armienija (5%).

Za 9 miesiacaŭ 2025 hoda ekspart u Biełaruś rasijskaha charčavańnia pieravysiŭ 2,8 miljarda dalaraŭ, što na 27% bolš u paraŭnańni z anałahičnym pieryjadam minułaha hoda.

Asnoŭnyja impartnyja pazicyi, jakija pastaŭlajucca ŭ Biełaruś z Rasii — heta śvinina, słaniečnikavy alej, nasieńnie rapsu, mučnyja kandytarskija vyraby i korm dla katoŭ i sabak.

U cełym siarod hrup tavaraŭ, jakija pastaŭlajucca z Rasii ŭ krainy JEAES, pa ekspartnaj vyručcy vyłučajucca śvinina, cukar, słaniečnikavy alej, pšanica i napoi, uklučajučy ałkahol.

Kamientary da artykuła