Starejšy syn Trampa dapuściŭ, što baćka moža pakinuć mirny praces va Ukrainie

Donald Tramp-małodšy dapuściŭ, što prezident ZŠA moža adyści ad ukrainskaha mirnaha pracesu, piša Sky News.

Donald Tramp-małodšy. Fota: Julia Demaree Nikhinson / AP

Donald Tramp-małodšy śćviardžaje, što ŭkrainskaje pytańnie nie źjaŭlajecca pryjarytetam dla amierykancaŭ.

Syna Trampa spytali, ci vieryć jon, što prezident ZŠA adydzie ad Ukrainy.

«Ja dumaju, jon moža. Što dobra ŭ maim baćku i što ŭ im unikalnaha, dyk heta toje, što vy nie viedajecie, što jon źbirajecca rabić. Jon niepradkazalny», — adkazaŭ Donald Tramp-małodšy.

Pravodziačy paralel ź ciapierašniaj «vajnoj» svajho baćki suprać narkakartelaŭ, Donald Tramp-małodšy nazvaŭ bandy, jakija pryvoziać nielehalnyja narkotyki ŭ Amieryku, «našmat bolš vidavočnaj i niepasrednaj pahrozaj dla ZŠA, čym usio, što [adbyvajecca] va Ukrainie ci Rasii».

Choć jon skazaŭ, što nie vieryć, što Ukraina budzie «pakinutaja», na jaho dumku ŭ amierykanskaj hramadskaści niama prahi da biaskoncych vojnaŭ i dalejšaha finansavańnia vajennych namahańniaŭ Ukrainy.

Apisvajučy Ukrainu jak «kudy bolš karumpavanuju krainu, čym Rasija», jon acharaktaryzavaŭ prezidenta Ukrainy Uładzimira Zialenskaha jak «adnaho z najvialikšych markietołahaŭ usich časoŭ», jaki staŭ «ledź nie bažastvom, asabliva dla levych».

Padychod baćki da vajny va Ukrainie jon apisaŭ jak «zdarovy sens».

Kamientary da artykuła