Skłali rejtynh krain pa płoščy lasoŭ na dušu nasielnictva. Na jakim miescy Biełaruś?

Choć Biełaruś nie ŭvachodzić u lik najbujniejšych lasnych dziaržaŭ, pa kolkaści lesu na adnaho žychara naša kraina ŭsio ž upeŭniena trymajecca ŭ vierchniaj častcy suśvietnaha śpisu. Ciapier jana zajmaje 40‑je miesca ŭ śviecie pa płoščy lasoŭ na dušu nasielnictva, piša Thinktanks.pro.

Zdymak ilustracyjny. Fota: «Naša Niva»

Pavodle danych Charčovaj i sielskahaspadarčaj arhanizacyi AAN, na kožnaha žychara Biełarusi prypadaje kala 1 hiektara lesu. Heta ŭdvaja vyšej za siaredniesuśvietny ŭzrovień (0,5 hiektara) i prykmietna bolš, čym u bolšaści jeŭrapiejskich krain.

U našaj krainie raście kala 0.22% usich suśvietnych lasoŭ, što składaje 8 975 miljona hiektaraŭ.

Susiednija dziaržavy raźmierkavalisia ŭ rejtynhu tak:

• Rasija — 6‑ie miesca (5,7 hiektara na dušu nasielnictva);
• Łatvija — 26‑ie miesca (1,9 hiektara);
• Litva — 48‑ie miesca (0,8 hiektara);
• Ukraina — 89‑ie miesca (0,3 hiektara);
• Polšča — 96‑ie miesca (0,3 hiektara).

Lidarami hłabalnaha rejtynhu stali Hajana ( 1‑ie miesca, 23 hiektary na čałavieka) i Surynam ( 2‑ie miesca, 22,3 hiektara). Hetyja paŭdniovaamierykanskija krainy spałučajuć vielizarnyja płoščy trapičnych lasoŭ z małym nasielnictvam.

U top-5 taksama ŭvachodziać Habon, Kanada i Centralna-Afrykanskaja Respublika.

Pa śviecie lasnyja resursy raźmierkavanyja vielmi nieraŭnamierna: ad dziasiatkaŭ hiektaraŭ na čałavieka ŭ małanasielenych trapičnych krainach da mienš za 0,3 hiektara ŭ hustanasielenych dziaržavach Jeŭropy.

Kamientary da artykuła