Rasijskaha kasmanaŭta vyklučyli z ekipaža Crew 12. Jon fatahrafavaŭ dakumienty SpaceX i vynies sakretnuju infarmacyju

Rasijskaha kasmanaŭta Aleha Arciemjeva vyklučyli z ekipaža Crew 12 za niekalki miesiacaŭ da startu na MKS. Jak paviedamiŭ u Telegram-kanale analityk rakietnych zapuskaŭ Hieorhij Tryškin, zamiest jaho palacić Andrej Fiedziajeŭ, piša The Insider.

Krynicy Tryškina raskazali, što Arciemjeva vyklučyli za parušeńnie režymu kantrolu ekspartu ITAR: kasmanaŭt nibyta fatahrafavaŭ dakumientacyju SpaceX, a potym «vynies z saboj u telefonie» sakretnuju infarmacyju.

U hutarcy z The Insider ekśpiert raskazaŭ, što raspačata mižviedamasnaje rasśledavańnie:

«Maje kantakty paćviardžajuć, što fakt parušeńnia byŭ i raspačataja mižviedamasnaja pravierka. Źniaćcie z palotu za dva z pałovaj miesiacy da misii biez vyraznaha tłumačeńnia pryčyn — heta chutčej uskosnaja prykmieta, ale pakazalnaja. Ujavić sabie situacyju, u jakoj vopytny kasmanaŭt moža nienaŭmysna dapuścić takoje hrubaje parušeńnie, vielmi ciažka».

Tryškin raskazaŭ taksama, što ŭ NASA nie chočuć, kab pra skandał vakoł Arciemjeva stała viadoma.

Telegram-kanał pra kasmanaŭtyku «Jura, prosti!» piša, što Arciemjeŭ, jaki prachodziŭ padrychtoŭku na bazie SpaceX u Chotarnie, štat Kalifornija, byŭ adchileny na minułym tydni.

Kasmanaŭt nibyta fatahrafavaŭ na telefon ruchaviki SpaceX i inšyja ŭnutranyja materyjały SpaceX, paśla čaho vyviez materyjały z terytoryi bazy.

54‑hadovy Aleh Arciemjeŭ, pavodle źviestak z sajta Centra padrychtoŭki kasmanaŭtaŭ imia Ju. A. Haharyna, ździejśniŭ try paloty ŭ kosmas i pravioŭ tam ahułam 560 sutak. Z 2019 hoda — deputat Maskoŭskaj haradskoj Dumy, člen «Adzinaj Rasii».

Kamientary da artykuła