U Polščy źmianilisia praviły padačy zajaŭ na časovy DNŽ

Z 1 śniežnia 2025 hoda dakumienty na časovy DNŽ u Polščy (karta czasowego pobytu) treba budzie padavać na błanku novaha ŭzoru. Źmianilisia taksama patrabavańni da dadatkaŭ i fatahrafij, piša Most.

Fota: Most

Novyja farmulary zajavy i dadatkaŭ zaćvierdžanyja pastanovaj Ministerstva ŭnutranych spraŭ i administracyi ad 25 listapada 2025 hoda. Jany pryvodziacca prosta ŭ tekście pastanovy. Taksama spampavać ich možna tut.

Jany nie tyčacca tych, chto atrymlivaje časovy DNŽ pa mižnarodnaj abaronie.

Što havorycca pra fotazdymki

Da zajavy treba prykłaści dźvie fatahrafii. Da ich vystaŭlajucca nastupnyja patrabavańni:

• jany pavinny być niepaškodžanymi, kalarovymi, z dobraj rezkaściu;
• pamieram 35 mm × 45 mm;
• być vykanany nie raniej čym za 6 miesiacaŭ da dnia padačy zajavy;
• adlustroŭvać tvar ad makaŭki da vierchniaj častki plačej tak, kab tvar zajmaŭ 70-80% fatahrafii, na adnatonnym śvietłym fonie, anfas, z adkrytymi vačyma, nie prykrytymi vałasami, z naturalnym vyrazam tvaru i zakrytym rotam;
• naturalny koler skury;
• vyrazna pakazvać vočy, asabliva zrenki, pry hetym linija vačej pavinna być paralelnaja vierchniamu kraju fatahrafii.

Taksama ŭdakładnienyja praviły źniaćcia adbitkaŭ palcaŭ.

Što budzie sa starymi zajavami

Novyja praviły tyčacca ŭsich, chto padaje zajavy z 1 śniežnia. Tyja, chto padaŭ ich raniej, nie pavinny ich pierapisvać.

Kamientary da artykuła