«Hazpram» pa-raniejšamu pracuje sa stratami

Straty hałaŭnoj kampanii «Hazprama» za 9 miesiacaŭ u paraŭnańni ź minułym hodzie, pavodle aficyjnaj statystyki, skaracilisia amal u dva razy, ale jany ŭsio adno značnyja, piša «Interfaks».

Fota: Maksim Konstantinov / SOPA Images / LightRocket via Getty Images

Čystyja straty hałaŭnoj kampanii PAT «Hazpram» pa rasijskich standartach (RSBU) za 9 miesiacaŭ 2025 hoda skłali 170,315 miljarda rasijskich rubloŭ (kala 2,14 miljarda dalaraŭ) u paraŭnańni sa stratami ŭ 309,111 miljarda rubloŭ (kala 3,88 miljarda dalaraŭ) za studzień-vierasień 2024 hoda, paviedamlajecca ŭ buchhałtarskaj spravazdačnaści kampanii.

Vyručka «Hazprama» zachavałasia na raniejšym uzroŭni — 4,272 tryljona rubloŭ (53,66 miljarda dalaraŭ). Pry hetym sabiekošt skaraciŭsia na 12%.

U vyniku vałavy dachod kampanii vyras na 50% — da 1,259 trłn rubloŭ (15,81 miljarda dalaraŭ).

Kamientary da artykuła