ZŠA dali zrazumieć Łukašenku, što čakajuć spynieńnia zapusku mieteazondaŭ u Litvu
Śpiecyjalny pradstaŭnik prezidenta ZŠA Donalda Trampa Džon Koŭł prakamientavaŭ zapusk mieteazondaŭ ź Biełarusi ŭ Litvu i adznačyŭ, što Minsk pavinien spynić padobnyja incydenty ŭ budučyni. Jon zrabiŭ takuju zajavu padčas sustrečy ź litoŭskim pasłom u ZŠA Hiedyminasam Varvuolisam 28 kastryčnika.
Pradstaŭnik Trampa Džon Koŭł i Alaksandr Łukašenka. Fota: Belarusian Presidential Press Service via AP
«Siońnia dniom u mianie adbyłasia plonnaja sustreča z pasłom Litvy Varvuolisam. My abmierkavali namahańni prezidenta Trampa, nakiravanyja na spynieńnie vajny va Ukrainie. Ja jasna daŭ zrazumieć, što my vykazvajem salidarnaść ź Litvoj u suviazi ź niadaŭnimi ŭvarvańniami pavietranych šaroŭ. Biełaruś pavinna praduchilić padobnyja vypadki ŭ budučyni», — napisaŭ Koŭł u sacsietcy X.
Na minułym tydni aeraporty Litvy zakryvalisia čatyry razy praz zapusk mieteazondaŭ, jakija vykarystoŭvajucca dla pieravozki kantrabandnych cyharet ź Biełarusi. U vyniku ad hetaha paciarpieli ŭ ahulnym liku bolš za 140 rejsaŭ i bolš za 20 tysiač pasažyraŭ. Litva ŭ adkaz z 26 kastryčnika amal całkam zakryła miažu ź Biełaruśsiu.
Čytajcie taksama:
Naŭsieda pra reakcyju Łukašenki: Chočacca, kab było bolš baluča
U ES prakamientavali situacyju ź biełaruskimi mieteazondami nad Litvoj
«Varjackaja afiora». Łukašenka prakamientavaŭ zakryćcio litoŭskaj miažy