Ratavalnika sa Śmiłavičaŭ asudzili da kałonii za Hajuna i «zdradu dziaržavie»
Ihar Brodka moh atrymać da 15 hadoŭ.
Ihar Brodka. Fota ź jahonaj staronki Ukantakcie
42‑hadovy Ihar Brodka pachodzić sa Śmiłavičaŭ (Červieński rajon), ale doŭhi čas žyŭ u Viciebsku. Razam z byłoj žonkaj maje niepaŭnaletniaje dzicia.
Ihar šmat hadoŭ pracavaŭ ratavalnikam. Paśla hetaha jon byŭ kiroŭcam — zajmaŭsia pieravozkami i taksi.
Brodka źnik z sacsietak i miesiendžaraŭ paśla lutaha 2025 hoda. Imavierna, tady jon i byŭ zatrymany.
Jaho asudzili ŭ 2025 hodzie pa dvuch artykułach — «sadziejničańnie ekstremisckaj dziejnaści» (č. 1 i č. 2 art. 361‑4 KK) i «zdrada dziaržavie» (č. 1 art. 356 KK). Jamu prysudzili kałoniju.
Prysud, jak i sutnaść abvinavačańniaŭ, nieviadomyja, ale, padobna, źviazanyja sa spravaj Hajuna. Akaŭnt byłoha ratavalnika byŭ abaronieny słaba i pryviazany da biełaruskaha numaru — na žal, jon nijak nie moh efiektyŭna abaranicca.
Čytajcie taksama:
Jakija prysudy dajuć pa spravie Hajuna?
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier