U Homielskim cyrku kłoŭn padčas vystupleńnia praź nieaściarožnaść pakalečyŭ mužčynu

U studzieni 2024 hoda hamialčuk Siarhiej (imia źmieniena) pajšoŭ u cyrk. Padčas vystupleńnia kłoŭn zaprasiŭ niekalkich hledačoŭ na maniež, kab jany dapamahli ŭ numary. Siarhiej taksama vyjšaŭ, i pra heta jamu paśla daviałosia paškadavać, piša «Lusterka».

U Homielskim dziaržaŭnym cyrku. Zdymak ilustracyjny. Fota: culttourism.ru

Pavodle materyjałaŭ suda, kłoŭn pavinien byŭ z raźbiehu skoknuć hledačam na vyciahnutyja ruki. Adnak padčas skačka artyst vypadkova ŭdaryŭ Siarhieja pa ruce, i toj adčuŭ mocny bol u plačy.

Pakolki bol nie prachodziŭ, to na nastupny dzień mužčyna źviarnuŭsia ŭ balnicu, dzie jamu pastavili dyjahnaz — razryŭ suchažylla bicepsa levaha plača. Ruka kiepska ruchałasia, i Siarhieja pastavili ŭ čarhu na apieracyju.

Paśla taho mužčyna padaŭ u sud na Homielski dziaržaŭny cyrk, patrabujučy 10 tysiač rubloŭ za maralnuju škodu. Ale da suda sprava ŭ vyniku nie dajšła: baki damovilisia mirna.

Kampiensacyju — 700 rubloŭ — paciarpiełamu vypłaciŭ indyvidualny pradprymalnik, jaki adkazvaŭ za prahramu. Paśla hetaha Siarhiej adklikaŭ pazoŭ, a sud spyniŭ razhlad.

Što adbyłosia dalej i ci zrabili mužčynu apieracyju, nie paviedamlajecca.

Kamientary da artykuła