Pa trasie M1 vieźli hihanckaha zubra. TikTok hadaje, kudy jon nakiroŭvajecca
Videa z hihanckaj fihuraj zubra, jakuju pieravozili pa trasie M1, za sutki nabrała ŭ tyktoku bolš za 160 tysiač prahladaŭ. Karystalniki abmiarkoŭvajuć, kudy mienavita viazuć niezvyčajnuju skulpturu i chto stvaryŭ takuju rabotu, piša vydańnie «Pieršy».
Skrynšot ź videa
Na kadrach vidać, jak pa trasie M1 viazuć vializnaha mietaličnaha zubra, sabranaha z zapčastak i listavoha žaleza. Videa imhnienna stała virusnym, a kamientatary nie strymlivali emocyj.
«Hetyja statui ź mietału i roznych zapčastak — prosta kosmas! A toj, chto ich robić, sapraŭdny majstar svajoj spravy! Brava!», — piša adzin z karystalnikaŭ.
Inšyja dadajuć:
«Adno pytańnie: dzie jaho pastaviać?»;
«U Hrecyi byŭ trajanski koń, a tut — mieha byki, jak z hulni Horizon!»;
«Nierealna kruta!!!»;
«U nas taki tolki miadźviedź staić na zapraŭcy!»
Niekatoryja hledačy vykazali zdahadku, što fihura pryznačanaja dla Baranavickaha aŭtaahrehatnaha zavoda, dzie raniej užo stavili bujnyja art-abjekty ź mietału.
Čytajcie taksama:
Zubr na trasie M1 budzie nie tolki padmihvać, ale i vypuskać paru