Va Uźbiekistanie bolš za 2000 čynoŭnikaŭ zamianiajuć štučnym intelektam
Urad Uźbiekistana płanuje da kanca kastryčnika skaracić bolš za 2000 čynoŭnikaŭ u suviazi z uviadzieńniem sistem štučnaha intelektu ŭ dziaržaŭnyja orhany. Adpaviedny ŭkaz padpisaŭ prezident krainy Šaŭkat Mirzijojeŭ, jon nazyvajecca «Ab mierach pa aptymizacyi kolkaści kirujučych štatnych adzinak praz šyrokaje ŭkaranieńnie ličbavizacyi ŭ dziejnaść respublikanskich vykanaŭčych orhanaŭ ułady».
Zdymak ilustracyjny. Fota: Gazeta.uz
Usiaho budzie likvidavanaja 2141 štatnaja adzinka. Najbolš skaračeńniaŭ čakaje Padatkovy kamitet — 498 adzinak. Ministerstva vodnaj haspadarki stracić 224 pazicyi, Ministerstva sielskaj haspadarki — 200, Ministerstva justycyi — 197. U Ministerstvie ekałohii, achovy navakolnaha asiarodździa i źmianieńnia klimatu pad skaračeńnie traplajuć 176 pazicyj, u Ministerstvie zaniataści i baraćby ź biednaściu — 163.
Akramia taho, amal udvaja skaračajecca kolkaść namieśnikaŭ kiraŭnikoŭ: z 11 da 7 u kamitetach, z 12 da 6 u ahienctvach i z 13 da 7 u inśpiekcyjach.
Ministerstvu zaniataści i Fiederacyi prafsajuzaŭ Uźbiekistana daručana dapamahać skaročanym supracoŭnikam z pracaŭładkavańniem.
Čytajcie taksama:
Čamu płanavańnie padarožžaŭ z ChatGPT ci Gemini niebiaśpiečnaje
Raspracoŭščyk Shat GPT staŭ samym darahim startapam u śviecie
Nvidia damoviłasia inviestavać da $100 młrd u ChatGPT — kampanii płanujuć stvaryć supierintelekt
Ałbanija pieršaj u śviecie pryznačyła ministram štučny intelekt, kab sačyŭ za karupcyjaj