U Hiermanii napali z nažom na novaabranaha mera horada
Abranaja ŭ vieraśni burhamistram horada Chierdekie ŭ ziamli Paŭnočny Rejn-Viestfalija Irys Štalcer z sacyjał-demakratyčnaj partyi znachodzicca ŭ krytyčnym stanie.
Irys Štalcer paśla pieramohi na vybarach. Fota: SPD
Pavodle infarmacyi niamieckich ŚMI, žančynu znajšli ŭ jaje kvatery ź niekalkimi nažavymi ranieńniami.
Na 57‑hadovuju Irys Štalcer napali pierad domam. Pa danych WDR, paranienuju znajšoŭ syn. Štalcer raskazała jamu, što na jaje napali niekalki mužčyn na vulicy.
Pavodle źviestak niamieckich ŚMI, Štalcer znachodzicca ŭ krytyčnym stanie. Jana atrymała množnyja nažavyja ranieńni ŭ žyvot i śpinu. Za žyćcio palityka ciapier zmahajucca daktary.
Pra napadnika ci napadnikaŭ, a taksama pra ich matyvy, pakul ničoha nie viadoma. Palicyja pravodzić pošukavuju apieracyju.
Irys Štalcer, pradstaŭnica Sacyjał-demakratyčnaj partyi Hiermanii, była abranaja meram Chierdekie 28 vieraśnia, nabraŭšy ŭ druhim tury vybaraŭ 52,8% hałasoŭ.