Dva rasijskija źniščalniki pravakacyjna pralacieli nad polskaj naftavaj płatformaj

19 vieraśnia dva rasijskija źniščalniki ździejśnili nizki pralot nad polskaj naftavaj płatformaj Petrobaltic u Bałtyjskim mory, paviedamlaje Pamiežnaja achova Polščy.

Płatforma Petrobaltic u Bałtyjskim mory. Fota: polandatsea.com

Pry hetym pralocie była parušanaja zona biaśpieki płatformy, choć u pavietranuju prastoru Polščy jak dziaržavy samaloty nie zalacieli. Tym nie mienš, incydent byŭ zarehistravany, pra jaho byli prainfarmavanyja polskija Uzbrojenyja siły i inšyja słužby.

Samaloty pralacieli na vyšyni kala 150 mietraŭ. Marskoje adździaleńnie Pamiežnaj achovy nazvała dziejańni Rasii pravakacyjnymi.

Płatforma Petrobaltic naležyć kampanii Grupa Orlen i źjaŭlajecca adzinym miescam u Polščy, dzie zdabyvajecca nafta niepasredna z Bałtyjskaha mora. Jana maje vialikaje značeńnie dla nacyjanalnaj enierhietyčnaj biaśpieki.

Taksama 19 vieraśnia Hiermanija padniała ŭ nieba źniščalniki Eurofighter dla pierachopu rasijskaha raźviedvalnaha samalota Ił-20M nad Bałtyjskim moram, a Estonija zafiksavała parušeńnie pavietranaj prastory tryma rasijskimi samalotami MiH-31.

Kamientary da artykuła